သၞိင္မန္ၿပဲကႛင္၊ ထံက္ပင္သာသႝာ၊ ကုိပ္ကႜာေတံရ၊၊
႒ာန္မန္မူလ၊ သု၀ဏၰဘုံ၊ ဍဳင္ႏြံဗြဲဓ၀္၊၊
ဟံသာ၀တှ၊ က်ာ္ႀသှဍဳင္မန္၊ ဖာသီဗြန္လ၀္၊၊
မတၞအံသ၀္၊ တမၛ၀္မံင္ပႜန္၊ ေတႝာ၀္မန္၀ံသ၊၊
လမုဟ္မန္ေလ၀္၊ ကႜင္ႚေကာ၀၊ ဒါနေအာန္တဲ၊၊
လိက္မန္ဟြံမြဲ၊ နဲမန္ကႜက္တမ္၊ အဆမ္လိက္ညး၊၊
မုဟိုတ္ဂးေရာ၊ ယ၀္ေစာဒနာ၊ ဗၥာရဏာဂး၊၊
ဟုိတ္မံင္ေထာံသၞး၊ စဏးလ၀ှ၊ လ၀ှေအာန္တဲ၊၊
ဂကူပုဦမန္၊ ေအာန္အာ႐ုိဟ္တၝဲ၊ တူယဲသိင္သာ၊၊
ဗက္ႀကၜညးကႜာ၊ ခါညးပ်ဲပၛဳင္၊ ဒးဒုင္ေဟာံျဇ၊၊
ခါခ်ပ္ေတာ္ဆ၊ မန္ရကုဪမန္၊ ဒဇန္ေသင္ဟာ၊၊
ဆေသွ္မံင္ပႜန္၊ ပုဦမန္၀ြံကႜာ၊ အၾကာၿဂဳိပ္ဂႝိင္၊၊
မံင္ေထာံ၀ိ၀ိင္၊ ဟြံဂြိင္ဇကု၊ လငၝဳပညာ၊၊
ဍဳိန္ကုဪျဇဟတ္၊ ပရိယတ္ဂွ္၊ ဟြံဗွ္သနာ၊၊
မံင္ေထာံသာသာ၊ ဒွ္အာ၀ၜေပါ၊ ညိေရာေလပ္ဂြိင္၊၊
လၝဳဪဂွ္သကဲ၊ မြဲကုဪမြဲကႛင္၊ ျခာဒင္စာ္ခႜ၊၊
ပွ္လွ္႒ာန၊ ဟြံပေမတၱာ၊ ဟြံညှသာသၞဟ္၊၊
သြက္ေကာန္ဂကူ၊ ဆာန္ဍဴဟြံသၞဟ္၊ ဆဒွ္ကုဪဒွ္၊၊
ညံင္သာ္တံဂွ္၊ ယ၀္ဒွ္ေကြံမံင္၊ ၾသသံေ၀ဂ၊၊
ဒးရံင္လိက္ညး၊ တဟးစိတၱ၊ စုိတ္သဗသအ၀္၊၊
ညံင္ဂႜဳင္ေသႝ၀္က၀္၊ ဒးစ၀္အာၾကာန္၊ ႒ာန္ေသႝဟ္ေရာညာတ္၊၊
ညးရံင္ရံင္ကုီ၊ ဟုီမံင္ေဆာေဆာ၊ ေဍံေရာေသသာတ္၊၊
ဂွ္ေရာဒွ္၀ါတ္၊ ညာတ္မံင္ဟြံတီ၊ လနီကာဲက၀္၊၊
လိက္မန္မဂး၊ လုံရးဍဳင္ေပၝာံ၊ ေထာံ႒ာန္ဂႜဲါေဂၝင္၊၊
ျပကုိဟ္မြဲေဟင္၊ ဍဳိက္ေပင္ေကြံအုဪ၊ ဂြံဆုဪၿဇဳိင္ရ၊၊
ဂြံတမ္၀ုိတ္ေကႝာတ္၊ ဂြံေကႝာတ္တမ္သာဲ၊ ျပးဇးမွာဲမွ၊၊
ေသႜက္ဒွ္ဘသၼ၊ ျပကုိဟ္မန္ၿပဲ၊ ေဟာံဟဲလာဲေလင္၊၊
လိက္မန္မူလ၊ ဆေသွ္မံင္ညိ၊ ပါဠိေယာင္ယာ၊၊
ညာတ္ဒးသိင္သာ၊ သပါထပႛဲ၊ စုိတ္နဲလငၝ၊၊
မိမကႜိေလာန္၊ ညံင္ေကာန္တမႜင္၊ ကႜင္တဟးထ၊၊
ကႜင္မံင္လံလ၊ ဘ၀ပုဦမန္၊ လၝဳသန္ေသင္ဟာ၊၊
မန္တႝီဍာ္အုိတ္၊ ယ၀္ဟိုတ္မာဲမံင္၊ ညးဂွ္ဟံင္မန္၊၊
ဇကုမန္ပႜန္၊ ဟံင္မန္မဂး၊ မန္ဗႜးေသင္ဟာ၊၊
မွာဇနက္ပၛှ၊ ဟုိတ္လြှသအး၊ ဗႜးသမုျဒာ၊၊
လြှဂြံသုိက္အာ၊ ဗုီမွာဇနက္၊ ပဗက္ညိမန္၊၊
ေတံလိက္မန္ပႜန္၊ ဗဒန္မြဲတဲ၊ ႐ုိဟ္တၝဲဗႜဳိက္တႝီ၊၊
လိက္မန္တဏီ၊ မန္တဏီဗက္၊ ဒးဂႜက္ဂတာ၊၊
႓ုိန္ႏြံၾကာညး၊ ညးဟြံပတီ၊ လနီျဖာျဖာ၊၊
ကင္ဇတ္ဖှဒြါ၊ ဟုိတ္ပညာအန္၊ မန္ဒးဗႜဳိက္တႝီ၊၊
ယြံမန္၀ံသာ၊ ဗစာရံင္ညိ၊ သတိညံင္စြံ၊၊
ဂကူမန္သြံ၊ ဟြံေလပ္လိက္မန္၊ ေအာန္စိုတ္ေကြံရ၊၊
လိက္ဇကုသြံ၊ ေထာံေကႜံဟြံဗွ္၊ ဗွ္လိက္ညးရ၊၊
မု၀ိပါက၊ သၸသာ္ဂွ္သြိင္၊ ကႜိင္ဇာတိသြံ၊၊
ဘာသာဇကု၊ ဇကုဟြံတီ၊ တီဘာသာညး၊၊
လိက္ညးဗွ္ဒး၊ ဗွ္ဟြံဒးပႜန္၊ လိက္မန္ဇကု၊၊
ဟြံတီမသ၊ က်ဘ၀ကုီ၊ ညးဟုီျဂဳျဂဳ၊၊
ပူဂုဪဒမႜဳ၊ ၀ြံဒွ္အ႐ုိင္၊ ၿဂဳိင္ေ၀င္ဇၞာပ္ညး၊၊
ဘာသာမိမ၊ ေထာံဂႜလ၀္ပႜန္၊ ဒဇန္ေကြံသြံ၊၊
မန္ဇကုေထာံ၊ ေကႜာံဂကူညး၊ ညးသေလွ္ပၞာ၊၊
မန္ဟြံပမန္၊ မန္ေပၱာံစညး၊ ညးေရာပကာ၊၊
ေကာန္လုီအၾကာ၊ ေကာန္မွာဣတ၊ ေကာန္ေလင္ရသြံ၊၊
ဂကူဇကု၊ ဇကုဟြံဆာန္၊ ဆာန္ဂကူညး၊၊
ဂြေကြံရဏး၊ ဟးဣတေလင္၊ မာံေပႜင္မသ၊၊
႓ုိန္က်ာ္ႀတဲပုဦ၊ မတုဲေတံကႛင္၊ မင္မြဲ၀ံသ၊၊
ခါခ်ပ္ေတာ္ဆ၊ ေပႜင္မသဂွ္၊ ဒွ္ယုတ္ရမႝး၊၊
ေကာန္သစၥေအာန္၊ ေကာန္၀ုိတ္ဣတ၊ ေကာန္မသလုီ၊၊
ေကာန္ပလုီဗုီ၊ ေကာန္လုီဘ၀၊ မိမဒၜေထာံ၊၊
မိပ္မံင္စုိတ္ဏီ၊ ဟြံတီဘ၀၊ ဂြေရာေလပ္သြံ၊၊
ညးဟုီဂႜဳိင္စြံ၊ ေကာန္သြံဂကူ၊ ေကာန္မူလလုီ၊၊
မာံေထာံဂကူ၊ မုမတုပ္ကုီ၊ ခါဟုီပေတာံ၊၊
ညံင္ခဍာ္သြံ၊ ပေတာံစကြၜ၊ တုပ္ကြၜကုီဟာ၊၊
႓ုိပ္ပေတာံျမာ္၊ ဟြံတုပ္ျမာ္ရ၊ ျမာ္ဟြံပကာ၊၊
ဒးလုီအၾကာ၊ ဒးမွာဘ၀၊ ဂြေကြံေရာင္သြံ၊၊
ေကႜာတံဂြံဆုဪ၊ လမၝဳဪဂွ္စိ၊ သတိေအာန္ေလာန္၊၊
ျဂအ္မန္စံင္မန္၊ ယုတ္ေလာန္ေသင္ဟာ၊ တႜပညာဟုီ၊၊
ညံင္ညးဗာလ၊ လမ်ဳီဇကု၊ ဇကုၿဂဳိဟ္ပႜဳီ၊၊
ဒုဪလမုဟ္ကုီ၊ ႓ုိန္ဟုီကုဪတီ၊ ဟြံတီဏီပႜန္၊၊
ယြံေကာန္ဂကူ၊ ဂကူမန္ၿပဲ၊ မင္မြဲညိကႜာ၊၊
မင္မြဲဘာသာ၊ တႜပညာကုီ၊ ဟုီထုိင္သးလ၀္၊၊
တီဇာတိေလ၀္၊ မႝိဟ္ေဒ၀ဂႜဳိင္၊ ထုိင္သးဗ၀္သအ၀္၊၊
႓ုိန္က်ာ္သၞိင္ဓ၀္၊ မင္မြဲလ၀္ရ၊ သာက်၀ံသာ၊၊
အုိတ္အဲညးက်၀္၊ ဓ၀္လြှပတုိင္၊ က်ာ္ထုိင္သးရ၊၊
ဘာသာေဇႝာ္ပႜ၊ ႚကႏၱသြံ၊ မြဲ၀ါဟြံမွာ၊၊
ေသာဏုတၱရ၊ သၸလ၀ှပႜန္၊ ဆဒၵန္ဗႜးဟာ၊၊
ညိညိမွတ္အာ၊ မြဲ၀ါဟြံခႜန္၊ ေမာ၀္ပႜန္မုခ်၊၊
လိက္ပတ္မန္ကုီ၊ သုီဗွ္သုီဟုီ၊ ပၠဳီလြှ႐ုိဟ္တၝဲ၊၊
လၝတ္ညိညးအဲ၊ ကြတ္ပညာၿပဲ၊ နဲကဲေတၞင္တၞဟ္၊၊
ပညာႏြံဂႜဳိင္၊ တုိင္ကသပ္ပုဦ၊ စုိပ္ဒတုဲျပဟ္၊၊
ညံင္ဂြံဇႝးဂွ္၊ နလြဟ္ပညာ၊ စကာ႐ုိဟ္တၝဲ၊၊
သကၠရာဇ္ ၁၃၁၉၊ ဂိတုပုဟ္၊ ၁၃ မံက္၊၊
